सिन्धुपाल्चोक जिल्ला कारागारमा एक जना बन्दीको मृत्यु

  ०८० माघ २४ गते

मेलम्ची नगरपालिका-१०, शिखरपुर घर भई जिल्ला कारागार सिन्धुपाल्चोकमा जेल भुक्तान गरिरहेका ५३ वर्षीय कृष्ण नेपालीको हृदयघात रोगबाट ०८० माघ २३ गते मृत्यु भएको छ ।

जिल्ला अदालतबाट २५ वर्ष जेल सजाय पाएका मृतक नेपालीलाई जेल भित्र एक्कासी बेहोस भएर ढलेपछि उपचारको लागि चौतारा अस्पताल पुर्‍याउँदा मृत्यु भएको कारागारका चौकीदार भीमबहादुर बस्नेतले बताउनु भयो ।

कुनै औषधि समेत दैनिक सेवन नगर्ने मृतक नेपालीलाई उपचार गर्न ढिलाई भएकोले मृत्यु भएको हुन सक्ने कारागारका बन्दी भरत दङ्गालले बताउनु भयो ।

मृतकको माघ २४ गते चौतारा अस्पतालमा पोष्टमार्टम गरी मृतकका भाइ बिनोद नेपालीले शव बुझेर सदगतको लागि लगेको कारागारका चौकीदार भीमबहादुर बस्नेतले जानकारी दिनुभयो ।


नातिबावु धिताल