समाचारहरू

नक्कली भुटानी शरणार्थी प्रकरणका मूल दोषीहरूलाई कारबाही गर्न माग गर्दै सिंहदरबार अगाडि प्रदर्शनमा उत्रिएका मानव अधिकार तथा शान्ति समाज नेपालका संस्थापक सभापति कृष्ण पहाडीसहित १७ जनालाई प्रहरीले गिरफ्तार गरेको छ ।

निषेधित क्षेत्रमा प्रदर्शन गरेको भन्दै प्रहरीले उनीहरूलाई गिरफ्तार गरेको हो ।

गिरफ्तारीमा पर्नेहरूमा काठमाडौँका ६५ वर्षीय कृष्ण पहाडी, काठमाडौँका ६० वर्षीय अर्जुन पराजुली, काठमाडौँका ५७ वर्षीय उत्तम पुडासैनी, काठमाडौँका ६० वर्षीय विमल अर्याल, ललितपुरका ५० वर्षीय चन्द्रमणी बञ्जारा, काठमाडौँकी ३८ वर्षीया नम्रता खरेल, काठमाडौँका ४३ वर्षीय किरण ढकाल, काठमाडौँका ४५ वर्षीय दिवाकर पुडासैनी, ललितपुरका ४५ वर्षीय बलबहादुर गाहा मगर, काठमाडौँकी ४५ वर्षीया उमा गौतम, काठमाडौँका ४० वर्षीय भगवान पुडासैनी, काठमाडौँका ५५ वर्षीय इश्वर पुडासैनी, काठमाडौँका ६० वर्षीय जयराम पुडासैनी, काठमाडौँका ४६ वर्षीय विकास थापा, काठमाडौँका ४६ वर्षीय रमेशकुमार बराल, काठमाडौँका ५३ वर्षीय चन्द्रमणी गौतम र काठमाडौँकी ३८ वर्षीया रिता अधिकारी रहेका छन् ।

गिरफ्तारमा परेकाहरूलाई भृकुटीमण्डपस्थित नगर प्रहरी कार्यालयमा राखिएको जिल्ला प्रहरी परिसर काठमाडौँका प्रवक्ता एसपी सिताराम रिजालले जानकारी दिनुभयो ।

विमल पौडेल