समाचारहरू

विद्यालय शिक्षा विधेयकको विरोधमा सिंहदरबारभित्र पसेर प्रदर्शन गर्न खोज्ने महोन वैद्य किरण नेतृत्वको क्रान्तिकारी नेकपा निकट विद्यार्थी सङ्गठन अखिल क्रान्तिकारीका १७ जना कार्यकर्तालाई प्रहरीले ०८० असोज ५ गते गिरफ्तार गरेको छ ।

निषेधित क्षेत्र तोड्दै सिंहदरबारको दक्षिण गेटमा सुरक्षामा खटिएका प्रहरीको घेरा तोडेर नारावाजी गर्न थालेपछि प्रहरीले उनीहरूलाई गिरफ्तार गरेको हो ।

प्रहरी गिरफ्तारीमा पर्नेहरूमा काठमाडौँका ३८ वर्षीय हरिकृष्ण गजुरेल, उदयपुरका ३२ वर्षीय मिलन राई, काठमाडौँका ३५ वर्षीय पेशल दाहाल, अछामका २८ वर्षीय विरेन्द्र शाह, कैलालीका ३५ वर्षीय गोबिन्द विष्ट, बाराका २४ वर्षीय रोशन यादव, कालिकोटका ३० वर्षीय नवराज विक, बाजुराका ३२ वर्षीय मिम ऐडी, अछामकी २८ वर्षीया लक्ष्मी शाह, कालिकोटकी २४ वर्षीया लक्ष्मी पाण्डे, कालिकोटका २७ वर्षीय सर्जन पाण्डे, अछामका ३० वर्षीय राजन साउद, ओखलढुङ्गाकी २७ वर्षीया स्मृति कार्की, सुर्खेतका २८ वर्षीय लक्ष्मण बम, मोरङका २६ वर्षीय स्टालिन बस्नेत, कैलालीका २६ वर्षीय समिर विक र जाजरकोटका २४ वर्षीय मिलन बुढा रहेका छन् ।

गिरफ्तारीमा परेकाहरूलाई प्रहरी वृत्त, सिंहदरबारमा राखिएको जिल्ला प्रहरी कार्यालय काठमाडौँका प्रवक्ता एसपी कुमोद ढुङ्गेलले इन्सेकलाई जानकारी दिनुभयो ।

विमल पौडेल