समाचारहरू

भुमे गाउँपालिका–४ का आठ महिनाका बालक समिर बुढा र उहाँकी बज्यै ६० वर्षीया ढाँटी बुढाको हत्या आरोप लागेका भुमे गाउँपालिका–४ का ५१ वर्षीय चन्द्रसिंह पुनले आत्महत्या गरेका छन् ।

घरनजिकै नाति बोकेर काम गरिरहनुभएकी बुढालाई माघ २९ गते खुकुरी प्रहार गर्दा आठ महिनाका बालकसहित दुवै जनाको घटनास्थलमै मृत्यु भएको र घटनापछि भागेका आरोपित पुन वडा नं. ४ कै खुलखुलेमा माघ २९ गते नै मृत भेटिएको जिल्ला प्रहरी कार्यालयका डिएसपी माधवराज खरेलले बताउनु भयो ।

तीनै जना मृतकको माघ ३० गते रुकुमकोट अस्पतालमा पोष्टमार्टम गरेर परिवारलाई बुझाइएको छ । घटनाबारे थप अनुसन्धान भइरहेको डिएसपी खरेलले बताउनु भयो ।

जयनारायण पुन