सामूहिक बलात्कार घटनाको कसुरमा कैद सजाय

 

२८ वर्षीया महिलालाई सामूहिक बलात्कार गरेको कसुरमा हरिपुर नगरपालिका–७ का ३३ वर्षीय विशाल भने मुकेश चौधरी, ३४ वर्षीय पुच्चे भन्ने रितेश चौधरी र ३१ वर्षीय रामराजन चौधरीलाई जिल्ला अदालत सर्लाहीले ०८० माघ ४ गते १/१ वर्ष कैद सजायको फैसला गरेको छ ।

जिल्ला अदालत सर्लाहीका न्यायाधिश सुर्यबहादुर थापाको इजलासले आरोपितलाई १/१ वर्ष कैद सजाय र जनही २५ हजार रुपियाँ पीडितलाई क्षतिपुर्ति दिने गरी मुद्दाको अन्तिम फैसला गरेको स्रेस्तेदार सदन अधिकारीले जानकारी दिनु भयो ।

पीडितलाई आरोपितहरुले ०७९ वैशाख २ गते सामूहिक बलात्कार गरेको भन्दै पीडित पक्षले आरोपितहरु विरुद्ध इलाका प्रहरी कार्यालय हरिपुरमा जेठ १७ गते उजुरी दिनु भएको थियो ।

पीडितको स्वास्थ्य परीक्षण जेठ १८ गते सर्लाही जिल्ला अस्पताल मलंगवामा गरिएको थियो ।


बुधन साह