समाचारहरू

१९ वर्षीया युवतीलाई बलात्कार गरेको आरोपमा प्रहरीले चार जनालाई मङ्सिर १८ गते गिरफ्तार गरेको छ ।

बलात्कार गरेको आरोपमा प्रहरीले इटहरी उपमहानगरपालिका–१० का २५ वर्षीय विकास चौधरी, २८ वर्षीय मुकेश चौधरी, २० वर्षीय धीरज चौधरी र ३१ वर्षीय सरोज चौधरीलाई गिरफ्तार गरेको इलाका प्रहरी कार्यालय इटहरीका इन्स्पेक्टर भीमबहादुर खड्काले बताउनु भयो ।

इटहरी उपमहानगरपालिका–१० स्थित पिपल चोक बुढीखोला किनारामा ०७९ वैशाख २७ गते ज्यान मार्ने धम्की दिएर सामूहिक बलात्कार गरेको आरोपमा पीडित पक्षले आरोपितविरूद्ध ०७९ मङ्सिर १७ गते उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धान गरी कानुनी कारबाही अघि बढाएको प्रहरीले जनाएको छ ।

पीडित युवतीको स्वास्थ्य परीक्षण वीपी कोइराला स्वास्थ्य विज्ञान प्रतिष्ठान धरान घोपामा मङ्सिर १८ गते गरिएको छ ।

जयकृष्ण यादव