समाचारहरू

१६ वर्षीया बालिकालाई सामूहिक बलात्कार गरेको आरोपमा प्रहरीले सात जनालाई जेठ २२ गते गिरफ्तार गरेको छ ।

गिरफ्तार पर्नेहरूमा बैजनाथ गाउँपालिका–८ झिगौराका २४ वर्षीय बिक्रान्त थारू, २५ वर्षीय निराजन थारू, २३ वर्षीय राजकुमार थारू, २० वर्षीय  बिश्वनाथ थारू,  १६ र १७ वर्षीय तीन जना बालक रहेको प्रहरीले जनाएको छ ।

इलाका प्रहरी कार्यालय धनौलीबाट खटिएको प्रहरीले खजुरा गाउँपालिका–५ चाइना इँट्टाभट्टा नजिक शङ्काष्पदरूपमा भे ३ प ३५२७ नम्बरको मोटरसाइकलमा पीडितलाई बिचमा राखेर ल्याउदै गर्दा सोधपुछमा पीडितले घटनाको जानकारी दिए पछि आरोपितहरूलाई गिरफ्तार गरिएको जिल्ला प्रहरी कार्यालयका डिएसपी मधुसुदन न्यौपानेले बताउनु भयो ।

बैजनाथ गाउँपालिका–८ का १७ वर्षीय बालकले फेसबुकमार्फत सोही ठाउँस्थित मानखोलाको छेउमा रहेको बंगुरको खोरमा बोलाएर मादक पदार्थ खुवाएर बलात्कार गरेको प्रारम्भिक अनुसन्धानबाट खुलेको प्रहरीले जनाएको छ ।

प्रहरीका अनुसार पीडित बालिकाले दिएको बयान अनुसार बिगत एक वर्षदखि फेसबुकमा चिनजान भएका बालकले आज मेरो जन्म दिन छ भनी जेठ २१ गते बाँकेको खजुरा गाँउपालिका–६ मानखोला नजिक बोलाएर त्यहाँबाट आफ्नो साथीसहित मोटरसाईकलमा राखी बर्दिया जिल्लाको मानखोला नजिकैको जङ्गलमा लगी घटना घटाएको हो ।

पीडितको स्वास्थ्य परीक्षण र उपचार जेठ २२ गते भेरी अस्पताल नेपालगञ्जमा गरिएको छ ।

इन्सेक लुम्बिनी प्रदेश कार्यालय, नेपालगञ्ज