सामूहिक बलात्कार घटनाका आरोपित गिरफ्तार

 

३२ वर्षीया एक महिलालाई जुगल गाउँपालिका–४ मान्जेमा सामूहिक बलात्कार गरेको घटनामा संलग्न दुई जनलाई प्रहरीले असोज २४ गते गिरफ्तार गरेको छ ।

जुगल गाउँपालिका–४ का २६ वर्षीय विकास सिलवाल र सोही गाउँपालिका–५ का २४ वर्षीय सुन्दर श्रेष्ठलाई ०७७ असोज २४ गते प्रहरीले घरबाटै गिरफ्तार गरेको जिल्ला प्रहरी कार्यालयका डिएसपी प्रकाश सापकोटाले बताउनु भयो ।

घटनामा संलग्न आरोपित मध्ये अन्य दुई जना व्यक्ति अझै फरार रहेको डिएसपी सापकोटाले बताउनु भयो ।

पीडित महिलालाई असोज १५ गते बेलुका जुगल गाउँपालिका–४ मान्जे बजारमा चार जनाले सामूहिक बलात्कार गरेको पीडितको आरोप छ ।

पीडितले दिएको उजुरी असोज २० गते जिल्ला प्रहरी कार्यालयमा दर्ता भएको कानुन व्यवसायी शशिनाथ आचार्यले बताउनु भयो । पीडितको स्वास्थय परीक्षणा २० गते नै जिल्ला अस्पताल चौतारामा गरिएको थियो ।

घटनामा संलग्न भएको आरोपमा गिरफ्तार गरिएका दुवै जनालाई जिल्ला अदालतबाट पाँच दिनको म्याद थप गरी अनुसन्धान सुरु गरिएको छ भने फरार आरोपितको खोजी भइरहेको जिल्ला प्रहरी कार्यालयका डिएसपी सापकोटाले बताउनु भयो ।


नातिबावु धिताल