सामूहिक बलात्कार घटनाका आरोपित गिरफ्तार

  ०७३ असोज ३० गते

१० वर्षीया बालिकालाई असोज ६ गते बलात्कार गरेको आरोपमा लेखनाथ नपा-१ का १९ वर्षीय राम कुमाल, १२ वर्षीय र १४ वर्षीय बालकलाई प्रहरीले असोज ३० गते गिरफ्तार गरेको छ ।

घटना भएको लामो समयसम्म पनि बिरामी भएकी पीडित बालिकाले उपचारका क्रममा बलात्कार भएको कुरा बताएपछि पीडितका अभिभावकले स्थानीय एक संस्थामा निवेदन गरेका थिए ।

सो संस्थाको सहयोगमा पीडित बालिकालाई बलात्कार गरेको आरोपमा आरोपितविरुद्ध असोज ३० गते जिल्ला प्रहरी कार्यालयमा उजुरी दर्ता गरेपछि प्रहरीले अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी गजुसिद्दी बज्राचार्यले जानकारी गराएका छन् ।

पीडित बालिकाको स्वास्थ्य परीक्षण पश्चिमाञ्चल क्षेत्रीय अस्पताल पोखरामा असोज ३० गते गरिएको प्रहरीले जनाएको छ ।


विष्णुप्रसाद अधिकारी