समाचारहरू

१२ वर्षीया बालिकालाई सिम्रा भवानीपुर गाविस-६ का ३० वर्षीय सलाहुद्धिन अन्सारी, सोही ठाउँका २६ वर्षीय असताफ देवान, सोही ठाउँका ३५ वर्षीय सहिद अन्सारी र सोही गाविस-५ का १८ वर्षीय असरफ मियाँले साउन ३१ गते राति सामूहिक बलात्कार गरेको आरोपमा पीडित बालिकाले भदौ ३ गते इलाका प्रहरी कार्यालय चन्द्रनिगाहपुरमा जाहेरी दर्ता गराएकी छन् ।

पीडित बालिकालाई आरोपित मध्येका असरफ मियाँ र असताफ देवानले मुख थुनेर आरोपित चार जना मध्ये सलाहुद्धिन अन्सारी र असरफ मियाँले पालैपाले बलात्कार गरेको र अन्य आरोपितले बालिकालाई समातेर राखेको पीडितले उजुरीमा उल्लेख गरेकी छन् ।

बालिकाको मौखिक उजुरीको आधारमा आरोपित मध्येका सलाहुद्धिन अन्सारीलाई भदौ २ गते नै प्रहरीले गिरफ्तार गरेको छ ।

बालिकाको चन्द्रनिगाहपुर अस्पतालमा भदौ २ गते स्वास्थ्य परीक्षण गरिएको इलाका प्रहरी कार्यालय चन्द्रनिगाहपुरका डीएसपी मनोजकुमार यादवले बताए ।

विपिन गौतम