समाचारहरू

१३ वर्षीया बालिका सामूहिक बलात्कारपछि गर्भवती बनेकी छन् । बुवा काम गर्ने मालिकका छोरा र उनका साथीहरूले ५ महिना अघि गरेको सामूहिक बलात्कारपछि गर्भवती बनेकी बालिका न्यायका लागि प्रहरी र अदालत पुगेकी छन् ।

पीडित बालिकाले सामूहिक बलात्कारमा संलग्न दोषीलाई कारबाहीको माग गर्दै असोज १ गते  सुनसरी जिल्ला अदालतमा उजुरी दर्ता गराएकी छन् । न्यायको माग गर्दै जिल्ला प्रहरी कार्यालयमा उजुरी गर्न गएको भएपनि प्रहरीमा सुनुवाइ नभएकाले अदालतमा उजुरी दिएको पीडित पक्षको भनाइ छ ।

देवानगञ्ज गाउँपालिका–४ का ३२ वर्षीय सुरेन मेहता र सोही ठाउँका २२ वर्षीय फिरोज मियाँले बलात्कार गरेको र त्यसपछि कसैलाई भने ज्यान मार्ने धम्की दिएकाले कसैलाई नभन्दा अहिले ५ महिनाको गर्भ बसेकाले पेट बढ्दै आएपछि न्यायका लागि आएको पीडितका बुवाले बताए ।

जयकृष्ण यादव