सामुहिक बलात्कार घटनाका आरोपित गिरफ्तार

  ०७९ फागुन १५ गते

२० वर्षीया दुई जना युवतीलाई फागुन २ गते बलात्कार गरेको आरोपमा प्रहरीले धनगढी उपमहानगरपालिका—१९ जेगाँउका २३ वर्षीय रामचरण चौधरी र २२ वर्षीय अक्षयक चौधरीलाई फागुन १४ गते गिरफ्तार गरेको छ ।

सोही घटनाका आरोपित धनगढी उपमहानगरपालिका—१९ का २३ वर्षीय पारस रोकाया र सोही ठाउँका २३ वर्षीय अञ्जन चौधरी फरार रहेकाले खोजीकार्य भइरहेको जिल्ला प्रहरी कार्यालयका इन्स्पेक्टर प्रेम खड्काले इन्सेक प्रतिनिधिसँगको भेटमा बताउनु भयो ।

पीडित पक्षले आरोपित विरुद्ध फागुन १४ गते कैलारी गाउँपालिकाको सहयोगमा जिल्ला प्रहरी कार्यालयमा उजुरी दिएका थिए ।

युवतीहरुलाई आरोपितहरुले फोन सम्पर्क गरेर भेट्न बोलाई बलात्कार गरेको भन्दै पीडितहरुले न्यायका लागि कैलारी गाँउपालिकाको न्यायिक समितिमा उजुरी दिएपछि पीडितहरुको उजुरी जिल्ला प्रहरी कार्यालयमा दर्ता गराउन सहयोग गरिएको कैलारी गाउँपालिकाकी उपाध्यक्ष भगवतीकुमारी चौधरीले इन्सेक प्रतिनिधीसँगको फोन सम्पर्कमा बताउनु भयो ।

पीडितहरुको स्वास्थ्य परीक्षण फागुन १४ गते सेती प्रादेशिक अस्पताल, धनगढीमा गरिएको गाँउपालिकाकी उपाध्यक्ष चौधरीले बताउनु भयो ।


मैनामोती चौधरी