समाचारहरू

जिल्लाको सामाजिक सदभाव ब्रि्रन सक्ने सम्भावनालाई मध्यनजर गर्दै जिल्लास्थित अधिकारकर्मी, सञ्चारकर्मी र धर्मगुरुहरूले मङ्सिर २८ गते संयुक्त प्रेस विज्ञप्ति प्रकाशित गर्दै सामाजिक सदभाव कायम राख्न आग्रह गरेका छन् ।

इन्सेक क्षेत्रीय कार्यालय नेपालगञ्जको समन्वयमा भएको छलफल कार्यक्रम पश्चात अन्तर धार्मिक सामाजिक सदभाव मञ्चका क्षेत्रीय अध्यक्ष महन्त चन्द्रनाथ योगी, अन्तर धार्मिक सामाजिक सदभाव मञ्चका उपाध्यक्ष, मौलाना अब्दुल जब्बार मञ्जरी राष्ट्रिय मानवअधिकार आयोगका क्षेत्रीय निर्देशक मुरारी खरेल, इन्सेकका क्षेत्रीय संयोजक भोला महतलगायतका अधिकारकर्मीहरूले यस्तो आग्रह गरेका हुन् ।

घटनाको निष्पक्ष अनुसन्धान गरी सत्यतथ्य सार्वजनिक गर्न, घटनामा घाइते भएका नागरिकहरूको यथोचित उपचारको व्यवस्था मिलाउन र शान्ति सुरक्षा कायम राख्न स्थानीय प्रशासन समक्ष धर्मगुरु, अधिकारकर्मी र सञ्चारकर्मीहरूले अनुरोध गरेका छन् ।

मटेहिया गाविसमा मङ्सिर २७ गते गाँउलेबीच भएको झडपको घटनामा नरैनापुर गाविस-३ का ४५ वर्षीय मेनेजर खानको मृत्यु भएको थियो भने १२ जना घाइते भएका थिए ।

विनोद पाण्डे