समाचारहरू

सर्वोच्च अदालतले टिकापुर घटनामा दोषी ठहर भएका रेशम चौधरीलाई आममाफी दिने राष्ट्रपति रामचन्द्र पौडेलको निर्णयविरूद्ध परेको रिटमा सरकारलाई कारण देखाउ आदेश जारी गरेको छ ।

टिकापुरमा भएको थरुहट आन्दोलनका क्रममा ०७२ भदौ ७ गते हत्या गरिएका सशस्त्र प्रहरीका इन्स्पेक्टर केशव बोहोराकी पत्नी शारदा कडायतले गम्भीर मानव अधिकार उल्लङ्घनको घटनामा संलग्नलाई राष्ट्रपतिले माफी मिनाहा दिएको भन्दै सर्वोच्च अदालतमा ०८० जेठ १६ गते दायर गरेको रिटमा न्यायाधीश प्रकाशमान सिंह राउतको जेठ २३ गतेको एकल इजलासले सरकारका नाममा कारण देखाउ आदेश जारी गरेको हो ।

टिकापुर घटनामा जिल्ला अदालत, उच्च अदालत र सर्वोच्च अदालतबाट दोषी ठहर भएका चौधरीलाई सरकारको सिफारिसमा राष्ट्रपति रामचन्द्र पौडेलले गणतन्त्र दिवसको अवसरमा जेठ १५ गते आममाफी दिनुभएको थियो ।

पीडित परिवारले सर्वोच्च अदालतमा दायर गरेको उक्त मुद्दामा अदालतले अग्राधिकार समेत दिएको छ ।

विमल पौडेल