समाचारहरू

नेकपा माओवादी केन्द्रका अध्यक्ष एवं पुर्व प्रधानमन्त्री पुष्पकमल दाहाल प्रचण्डलाई जुत्ताले हान्ने भन्दै फेसबुक पोष्ट गरेको आरोपमा प्रहरीले तुलसीपुर उपमनपा–३ का ५२ वर्षीय यज्ञबहादुर बुढालाई वैशाख २४ गते गिरफ्तार गरेको छ ।

आरोपितले वैशाख २३ गते फेसबुक पेजमा “हिजो सकेनन् चितवनवासीले, मेरी छोरीले चुनाव हारे देश दुर्घटनामा जान्छ भन्ने प्रचण्ड दाङ आए जुत्ता म हान्छु । ”भन्दै पोष्ट गर्नु भएको थियो ।

प्रहरीले बुढालाई गिरफ्तार गरी इलाका प्रहरी कार्यालय तुलसीपुरमा राखेको छ । बुढा नेकपा माओवादी केन्द्रका जिल्ला स्तरीय पूर्व नेता हुनुन्थ्यो । उहाँले पार्टी परित्याग गरेपछि हाम्रो पहिचान डट कम नामक अनलाइनको प्रकाशक भएर काम गरिरहनु भएको छ ।

इलाका प्रहरी कार्यालय तुलसीपुरका डिएसपी श्यामु अर्यालले बुढालाई गिरफ्तार गरि राखिएको तर मुद्दा चलाउने कि रिहा गर्ने भन्ने  विषयमा केही बताउन चाहनु भएन ।

प्रहरी हिरासतमा रहेका बुढाले इन्सेक प्रतिनिधिसँगको कुराकानीमा  आफू हिरासतमा रहेको २४ घण्टासम्म रिहा नगरेको बताउनु भयो ।

 

जयनारायण पुन