समाचारहरू

नेपाल पत्रकार महासंघका सदस्य, ग्यालक्सी फोरकेटिभीका सम्वाददाता एवं हिन्दु खबर डटकमका प्रधान सम्पादक पाणिनी गाउँपालिका– ६ धातीवाङ्का २५ वर्षीय घनश्याम पौडेल र हिन्दु खबर डटकमकका सम्वाददाता २२ वर्षीय रुकमागत भटराईले समाचार सङ्कलनको क्रममा आफूमाथि दुर्व्यवहार भएको भन्दै जिल्ला प्रहरी कार्यालयमा जेठ १६ गते उजुरी दर्ता गराएका छन् ।

पाणिनी गाउँपालिका– ६ धातिवाङ् माविमा जेठ १४ गते समाचार सङ्कलनका क्रममा शिक्षक ५९ वर्षीय बेदराज पौडेल, स्थानीय ५५ वर्षीय शोभाखर पौडेल र ४२ वर्षीय रामप्रसाद पौडेलले हातपात गर्नुको साथै दुर्व्यवहार गरेको भन्दै आरोपितहरू विरूद्ध उजुरी दिएको पौडेलले बताउनु भयो ।

विद्यालय व्यवस्थापन समिति र विद्यालय व्यवस्थापन सम्बन्धी बिषयमा समाचार संकलन गर्न गएको समयमा प्रधानाध्यापकसँग सामान्य विवाद भएका बेला  बेदराज पौडेल, शोभाखर पौडेल र रामप्रसाद पौडेलले दुर्व्यवहार गर्नुको साथै  क्यामरा खोसेर फाल्ने प्रयास गरेको पीडितद्वयले आरोप लगाउनु भएको छ ।

“हामी पनि त विद्यालयका अभिभावक हौ, समितिमा बस्ने इच्छा गरेका थियौ, अभिभावक भेलामा बोल्ने, सोध्ने समय मौका दिइएन । प्रअको एकलौटी गतिविधि चलेको छ ।” स्थानीय अभिभावक लोकमणि पौडेल र मनिराम पौडेलले भन्नु भयो ।

प्रअ हिमलाल पौडेलले विद्यालय सञ्चालन भएको समयमा पत्रकार घनश्याम पौडेल र रुकमागत भटराई अनुमति बिना विद्यालयमा प्रवेश गरेर शिक्षक विद्यार्थीलाई अनावश्यक प्रश्न गर्ने, विद्यालय व्यवस्थापन समितिको बैठक बसेको ठाउँमा आएर तर्क बितर्क गर्ने काम जायज नभएको र सामान्य विवाद र धकल पकल भएको बताउनु भयो ।

पाणिनी गाउँपालिका– ६ का वडाध्यक्ष कृष्णप्रसाद पौडेलले जेठ १२ व्यवस्थापन समिति गठन गर्न अभिभावक भेला बोलाएको भएपनि वडा कार्यालयलाई नभएको बताउनु भयो ।

वडाध्यक्ष पौडेलका अनुसार आफू अभिभावककोरुपमा उपस्थित भएको र विधि प्रकृया अनुसार व्यवस्थापन समिति गठन नभए पछि उपस्थित बहुमत अभिभाव असहमति जनाउँदै उठेका थिए । विद्यालयका बिषयमा जानकारी लिन गएका पत्रकारमाथि भएको दुर्व्यवहार हुनु लत भएको पौडेलले बताउनु भयो ।

जिल्ला प्रहरी कार्यालयका इन्स्पेक्टर कृष्णप्रसाद घिमिरेले पीडितहरूले उजुरी दिएको थप छलफल र अनसन्धानका लागि जेठ १९ गते बोलाइएको बताउनु भयो ।

 

कूलबहादुर नेपाली