समाचारहरू

रास्कोट नपा–५ निवासी रेडियो प्रदेश आवाज एफएममा कार्यरत ३५ वर्षीय पत्रकार रत्नबहादुर कार्कीलाई समाचारको विषय लिएर खाडाचक्र नपा–१ बस्ने नेकपा (माओवादी केन्द्र) कर्णाली प्रदेश सचिव ५३ वर्षीय धनजित शाहीले चैत ५ गते टेलिफोनमार्फत मार्ने धम्की दिएको पीडित पक्षको आरोप छ ।

आरोपित शाहीले पार्टीलाई हानी हुने गरी रेडियोमा समाचार प्रसारण गरेको भन्दै फोनमार्फत मार्ने तथा रेडियो तोडफोड गर्ने धम्की दिएको पीडित कार्कीको आरोप छ ।

मार्ने तथा सञ्चार माध्यम तोडफोड गर्ने धम्की दिएको भनी पीडित कार्कीले आरोपितविरूद्ध चैत ७ गते जिल्ला प्रशासन कार्यालय, कालिकोटमा उजुरी दिनुभएको छ ।

प्रमुख जिल्ला अधिकारी रामहरी शर्माले समाचारको विषयलाई लिएर पत्रकारमाथि हातपात गर्नु गलत भएको बताउँदै पीडितको उजुरीका आधारमा घटनामाथि अनुसन्धान गर्ने इन्सेक प्रतिनिधिलाई जानकारी दिनु भएको छ ।

कालीबहादुर मल्ल