समयमै उपचार नपाउँदा सुत्केरीको मृत्यु

  ०७९ कात्तिक १७ गते

अदानचुली गाउँपालिका–५ कांँखे गाउँकी २० वर्षीया रङ्गिता शाहीको समयमै उपचार हुन नसक्दा मृत्यु भएको छ । मृतक शाहीको कात्तिक १५ गते सुत्केरी हुन नसकेर मृत्यु भएको आफन्त बलबहादुर शाहीले गुनासो गर्नु भएको छ ।

आफन्त बलबहादुर शाहीका अनुसार मृतक रङ्गिता कात्तिक १४ गतेदेखि सुत्केरी व्यथा लागेको र गाउँ नजिक स्वास्थ्य चौकी भएको भए ज्यान बचाउन सकिने थियो ।

सरकारले कर्णालीका दुर्गम क्षेत्रका लागि एयरलिप्टिङ हवाई एम्बुलेन्स दिने व्यवस्था गरेपनि सुविधा सम्पन्न अस्पतालमा पु¥याउन नपाउँदै उहाँको मृत्यु भएको आफन्तले गुनासो गर्नु भएको छ ।

सोही ठाउँको बारीगाउँ स्वास्थ्य चौकी टाढा रहेको र गाउँबाट स्वास्थ्य संस्थामा लैजादैँ गर्दा बाटोमै शाहीको मृत्यु भएको आफन्तको भनाई छ ।
हवाई यातायातको विकल्प नभएको र यातायातको सुविधा नहुँदा बिरामीको समयमा अस्पताल पुग्न नपाई मृत्यु हुने गरेको छ ।
एक महिनाअघि चार दिनदेखि उच्च रक्तस्रावले छटपटाइरहेकी सर्केगाड गाउँपालिका–७ की २४ वर्षीया पवित्रा शाही छत्यालको मृत्यु भएको थियो ।


नन्द सिंह