समाचारहरू

लगातारको वर्षाले सडक सञ्जाल भत्किएर एम्बुलेन्स सञ्चालन हुन नसक्खा उपचारको पखाईमा रहेका रौतामाई गाउँपालिका-६ चिसापानीका सात वर्षीय एञ्जल मगरको असोज १३ गते मृत्यु भएको छ ।

ज्वरो, निमोनिया र झाडापखालाका कारण ०८१ असोज ११ गते सिकिस्त भएका बालकलाई उपचारका लागि गाईघाट ल्याउँदै गर्दा निरन्तरको झरीले अवरूद्ध भएको सडक खुल्न नसक्दा बालकलाई समयमै उपचारका लागि अस्पताल पुर्‍याउन सकिएको थिएन । उपचारका लागि अस्पताल लैजाने क्रममा बाटो अवरूद्ध भएका कारण अस्पताल पुर्‍याउन सकिएको थिएन ।

त्रियुगा नगरपालिका-१५ स्थित स्वास्थ्य चौकी खाँबुमा बालकको उपचार सम्भव नभएको र थप उपचारका लागि सुविधा सम्पन्न अस्पताल लैजानुपर्ने भएपनि यातयातको अभावका कारण रानीबासमै बालकको ज्यान गएको त्रियुगा नगरपालिका-१५ का वडाध्यक्ष गणेश तिम्लसिनाले इन्सेक प्रतिनिधिसँगको फोन सम्पर्कमा बताउनु भयो ।

खाँबु रानीवासबाट सदरमुकाम गाईघाटसम्मको दुरी ३१ किलोमिटर छ । लगातारको बर्षाका कारण ठाउँ-ठाउँमा सडक अवरूद्ध भएपछि ०८१ असोज ११ गतेदेखि नै सवारी आवगमन बन्द थियो । समयमै उपचार नपाउँदा बालकको मृत्यु भएपछि असोज १३ गते परिवारजनले परम्परा अनुसार बालकको सद्गद् गरेका छन् ।

राकेश नेपाली