सङ्क्रमणकालीन न्यायलाई टुङ्गोमा पुर्‍याउन पहल गरिरहेको छुः प्रधानमन्त्री

प्रधानमन्त्री पुष्पकमल दाहालले पीडितलाई न्यायको अनुभूति हुनेगरी सङ्क्रमणकालीन न्यायलाई टुङ्गोमा पुर्‍याउन पहल गरिरहेको बताउनुभएको छ । ७५ औँ अन्तर्राष्ट्रिय मानव अधिकार दिवसको अवसरमा राष्ट्रिय मानव अधिकार आयोगद्वारा मङ्सिर २४ गते ललितपुरमा आयोजित कार्यक्रमलाई सम्बोधन गर्दै प्रधानमन्त्री दाहालले सङ्क्रमणकालीन न्यायलाई निष्कर्षमा पुर्‍याउन राष्ट्रिय सहमति बनाउन पहल गरिरहेको बताउनु भएको हो ।

photo20231210lalitpur

सङ्क्रमणकालीन न्याय टुङ्गोमा पुर्‍याउन ढिलो भइरहेको बताउँदै उहाँले विद्यमान कानुनमा सर्वोच्च अदालतको आदेश, राष्ट्रिय मानव अधिकार आयोगका सुझाव तथा सिफारिस र अन्तर्राष्ट्रिय मापदण्ड बमोजिम परिमार्जन गरी न्यायको अनुभूति हुनेगरी सो कार्यलाई छिट्टै निष्कर्षमा पुर्‍याउने प्रतिबद्धता दोहोर्‍याउनु भएको हो ।

प्रधानमन्त्री पुष्पकमल दाहलले कार्यक्रममा गर्नु भएको सम्बोधन 


अनलाइन डेस्क