समाचारहरू

संसदको चालु अधिवेशन भदौ ३१ गते मध्यरातिबाट अन्त्य भएको छ । सङ्घीय संसदअन्तर्गत प्रतिनिधिसभाको यो अधिवेशन वैशाख २८ गतेबाट सुरु भएको थियो । यो अधिवेशनमा ५३ दिनमा ५६ पटक बैठक बसेको संसद सचिवालयले जनाएको छ

संसदको यो अधिवेशनमा प्रतिनिधिसभामा आठ ओटा सरकारी, एउटा गैरसरकारी विधेयक दर्ता भए । जसमध्ये पाँच ओटा विधेयक सङ्घीय संसदको दुवै सदनबाट पारित भए भने तीन ओटा विधायन समितिमा विचाराधीन अवस्थामा रहेका संसद सचिवालयले जनाएको छ ।

संसदमा भए गरेका गतिविधिका बारेमा सभामुख देवराज घिमिरेले बैठकमा छोटो जानकारी दिनु भएको थियो ।

यही अधिवेशनमा राष्ट्रपतिबाट सरकारको नीति तथा कार्यक्रम प्रस्तुत गरियो । प्रधानमन्त्री पुष्पकमल दाहाललाई संसदले विस्वासको मत नदिँदा केपी शर्मा ओलीको नेतृत्वमा नयाँ सरकार गठन भयो । आर्थिक वर्ष २०८१/०८२ का लागि बजेट पनि यही अधिवेशनमा प्रस्तुत गरिएको पनि सभामुख घिमिरेले जानकारी दिनु भयो ।

पार्वती साउद