समाचारहरू

व्यवस्थापिका–संसद् मातहत महाअभियोग सिफारिस समिति गठन गरिएको छ । व्यवस्थापिका–संसद्को कात्तिक ३ गते बसेको बैठकमा सभामुख ओनसरी घर्तीले महाअभियोग सिफारिस समिति गठनसम्बन्धी प्रस्ताव प्रस्तुत गरेपछि बैठकले उक्त प्रस्ताव सर्वसम्मतले पारित गरिएको थियो ।

नेपालको संविधानको धारा १०१ को उपधारा ३ र ४ एवम् संसद् नियमावली २०७३ को नियम १६९ बमोजिम समिति गठन गरिएको हो । संविधानअनुसार उक्त समिति ११ सदस्यीय हुनेछ ।

उक्त समितिमा नेपाली काङ्ग्रेसका ज्ञानेन्द्रबहादुर कार्की,  फर्मुल्ला मन्सुर,  दीपकप्रसाद कुइँकेल, कुमारी लक्ष्मी राई,  नेकपा (एमाले)का केशव बडाल,  रेवतीरमण भण्डारी,  पार्वत गुरुङ,  सुशीला नेपाल,  नेकपा (माओवादी केन्द्र) का रामनारायण बिडारी,  अमनलाल मोदी,  राष्ट्रिय प्रजातन्त्र पार्टी नेपालका दिलनाथ गिरी रहेका छन् ।

अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीलाई अदालतको अपहेलना गर्न खोजेको आरोप लगाउँदै हिजो संसद् बैठकमा सांसदहरुले महाभियोग लगाएर हटाउन माग गरेको भोलिपल्ट समिति गठन गरिएको छ ।

अनलाइन डेस्क