समाचारहरू

इन्सेक तेह्रथुमको आयोजनामा फागुन १३ गते संविधान कार्यान्वयन र निर्वाचनका चुनौती विषयक छलफल सम्पन्न भएको छ ।

छलफललाई सम्बोधन गर्दै नेपाल बार एसोसिएशनका निवर्तमान उपाध्यक्ष एवम् इन्सेकका कार्यसमितिका पुर्व सदस्य टिकाराम भट्टराईले नागरिकका अधिकार प्राप्तिका लागि ०७४ साल माघ ७ गते सम्ममा तिनै तहको निर्वाचन गर्न जरुरी रहेको बताए । उनले निर्वाचन भए सबैको अधिकार सुनिश्चित हुने दावी गरे ।

नेपालको संविधान संसारकै सबैभन्दा लचक संविधान भएकोले यसको संशोधन आवश्यक नरहेकोसमेत भट्टराईले बताए । अहिले केही दलहरूले संविधान संशोधनलाई लिएर निर्वाचनमा अड्को थापेको भन्दै त्यसको तुक नभएको भट्टराईको भनाइ छ ।

छलफलमा जिल्लाका राजनीतिक दलका प्रमुख तथा प्रतिनिधि, नागरिक समाज, कानुन व्यावसायी र सञ्चारकर्मीको उपस्थिति रहेको थियो ।

भगिश्वर लिम्बू