समाचारहरू

संयुक्त लोकतान्त्रिक मधेसी मोर्चा रुपन्देहीले चैत ६ गते दक्षिण मर्चवार क्षेत्रका तीन वटा गाउँपालिकाको कार्यालयमा तालाबन्दी गरेको छ ।

मोर्चाले सेमरीमाई, मर्चवारीमाई र कोटहीमाई गाउँपालिका कार्यालयको साईनबोर्ड हटाएर तालाबन्दी गरेको संयुक्त लोकतान्त्रिक मधेसी मोर्चा रुपन्देहीका अध्यक्ष महेन्द्र यादवले बताए ।

सरकारले संविधान संशोधन नगरी स्थानीय तहको निर्वाचनको घोषणा गरेको भन्दै पार्टीको केन्द्रिय कार्यक्रम अनुसार गाउँपालिकाको कार्यालयमा तालाबन्दी गरिएको यादवले बताए । संविधान संशोधन नगरे मधेसमा कुनै पनि हालतमा निर्वाचन हुन नदिने उनले चेतावनी दिए ।

'स्थानीय निर्वाचन गराउने दायित्व प्रान्तीय सरकारको हुनुपर्छ । त्यसैले सरकारले संविधान संशोधन गरेर स्थानीय निर्वाचन गराउने जिम्मा प्रान्तीय सरकारलाई दिनुपर्छ ।'-यादवले इन्सेककर्मीसँगको टेलिफोनमा उनले भने-'मर्चवार क्षेत्रका गाउँपालिकामा तालाबन्दी खाली सुरुवात मात्र हो । अब मधेसका सबै जिल्लाका सबै स्थानीय तहमा तालाबन्दी गर्छौँ ।'

रीमा बि.सी.