समाचारहरू

शैक्षिक सत्र सुरू भएको दुई महिना बित्दासमेत पाठ्य पुस्तक नपाउदा  पठपाठन प्रभावित बनेको छ ।

जिल्लाका सबै स्थानीय तहका  बालबालिकाले नयाँ शैक्षिक शत्र सुरू भएको दुई महिना  बित्दा समेत बालबालिकाले पाठय पुस्तक नपाउदा जिल्ला भरीनै पठनपाठनमा समस्या भएको हो ।

नेपाल सरकारले कक्षा नौ, सात र चारमा नयाँ पाठ्यक्रम लागु गरेको र जिल्लामा आवश्यकताको ३० प्रतिशत मात्र पाठ्यपुस्तक आइपुगेको र बाँकी आउन केही समय लाग्ने जिल्ला शिक्षा विकास तथा समन्य इकाइका प्रमुख शिव पण्डितले बताउनु भयो । अन्य कक्षाका परीवर्तन नभएका केही पुस्तक जिल्लामा भित्रिए पनि नयाँ पाठ्यक्रम अनुसारका पुस्तक नभएकाले जिल्लाको पठनपाठनमा समस्या आएको पण्डितले बताउनु भयो ।

नयाँ शैक्षिक शत्र सुरू भएसँगै जेठको पहिलो साताबाट पठनपाठन सुरू भएको र पहिलो दुई कोभिड का कारण शैक्षिक क्यालेन्डर प्रभावित भयो । यस वर्ष पनि ढिलो शैक्षिक सत्र सुरू भएको त्यसमा पनि विषयगत पुस्तक प्रयाप्त उपलव्ध नहुँदा सिकाईमा प्रभाव पर्ने जनता माविका शिक्षक खिमबहादुर रावतले बताउनु भयो ।

 जिल्लाका नौ वटा स्थानीय तहहरू मध्ये , प्यूठान नगरपालिका, मल्लरानी गाउँपालिका र झिमरुक गाउँपालिका अन्तरगर्तका विद्यालयहरूले केही मात्रामा भएपनि आफै पुस्तक खरिद गरी बालबालिकालाई उपल्व्ध गराउन थालेको र अन्य स्थानीय तहले पनि तयारी थालिएको नगर तथा पा गाउँपालिका शिक्षा शाखाले  जानकारी दिएको छ ।

जिल्लामा ३ सय ९८ सामुदायिक र ४६ संस्थागत विद्यालय गरी ४ सय ४४ विद्यालयमा भर्ना भएका करिव ५९ हजार बालबालिकाले पठनपाठन गर्ने गर्दछन् । नेपालको संविधानको धारा ३१ मा मौलिक हक अन्तगर्त शिक्षा सम्बन्धी हकमा दफा १ मा प्रत्येक नागरिकलाई शिक्षामा पहुँचको हक हुनेछ भनिएता पनि बालबालिका हातमा पाठ्य पुस्तकले बालबालिकाहरू शिक्षाको अधिकारबाट बञ्चित हुनु परेकोछ ।

रविन्द्र पाण्डे