समाचारहरू

आर्थिक वर्ष सकिनै लाग्दा समेत रोल्पाका विद्यालयहरूमा अङ्ग्रेजी माध्यमका पाठ्यपुस्तक पुग्न सकेका छैनन् ।

थवाङ गाउँपालिका, सुनिल स्मृति गाउँपालिका र सदरमुकाम स्थित बालकल्याण नमुना माध्यमिक विद्यालयलगायत जिल्लाभर नै अङ्ग्रेजी माध्यमका पाठ्पुस्तक नपुग्दा विद्यार्थीहरू समस्यामा परेका छन् ।

थवाङ गाउपालिकामा रहेको विर बलभद्र माध्यमिक विद्यालयमा १ कक्षादेखि १२ कक्षासम्म अङ्ग्रेजी माध्यममा पढाइ हुने गरेको छ ।

विद्यालमा समयमै किताव नपुग्दा निजी कम्पनीका किताव किनेर पढ्नु पर्ने बाध्यता रहेको विद्यालयका प्रधानाध्यापक कुलबहादुर वलीले बताउनु भएको छ ।

निज कम्पनीका किताव किनेर पढ्ने बाध्यताका कारण अविभावकहरू समस्यामा परेको प्रधानाध्यापक वलीको भनाइ रहेको छ ।

कक्षा १ देखि ३ सम्मका गणित, विज्ञान, सामाजिक र स्वास्थ्यलगायतका कितावहरु प्राप्त हुन नसकेको अभिभावकहरूको गुनासो छ ।

यस्तै सुनिलस्मृति गाउँपालिकामा पनि गणित बाहेकका अङ्ग्रेजी भाषा विषयको पाठ्यपुस्तक नआएको सुर्योदय माध्यमिक विद्यालय सुलिचौरका प्रधानाध्यापक बेगम कुँवरले बताउनु भयो ।

समयमै किताव नआउँदा समस्या भएको बालकल्याण नमुना माध्यमिक विद्यालय लिवाङमा अध्यनरत विद्यार्थी चेतन बुढा मगरले गुनासो गर्नु भयो ।

समयमै किताव नपाउँदा परीक्षाको तयारीमा असर पुग्ने बालकल्याण नमुना माध्यमिक विद्यालयमा अध्यनरत मानसिंह घर्तीले बताउनु भयो ।

सुनिलस्मृति गाउँपालिका–४ सुलिचौरको कुसुम पुस्तक तथा स्टेशनरीका अनुसार कक्षा १ देखि ३ सम्मका अङ्ग्रेजी माध्यमका पाठ्यपुस्तक नेपाल सरकारले नै नछापेका कारण विद्यालयसम्म पु¥याउन नसकिएको हो ।

लामो समयसम्म पनि पाठ्यपुस्तक नआएपछि कतिपय विद्यालयहरुमा निजी कम्पनीका किताव किनेर पढाइ सुरू भएको र कतिपय विद्यालयहरूमा अझै किताव नपुगेको कुसुम पुस्तक तथा स्टेशनरीका सञ्चालक दान केसीले बताउनु भयो ।

५ सय रुपियाँसम्म पर्ने सरकारी किताव नजिी कम्पनीले २ हजार रुपियाँ लिने गरेका छन् ।

तिलक घर्ती मगर