शिक्षिकाद्वारा कुटपिट गरेको पीडित विद्यार्थीको आरोप

  ०८० फागुन १२ गते

वीरेन्द्रनगर नगरपालिका–११ स्थित नेपाल राष्ट्रिय चन्द्रगंगा माध्यामिक विद्यालयमा अध्ययनरत ११ वर्षीय बालकलाई शिक्षिका २३ वर्षीया चेतना भण्डारीले फागुन १० गते विद्यालयमै कुटपिट गरेको पीडितले आरोप लगाउनु भयो ।

शिक्षिकाको कुटपिटबाट बालकको दायाँहातको पाखुरामा चोट लागेको छ । कुटपिट घटना भएपछि प्रधानाध्यापक र अन्य शिक्षकहरूले बालकलाई साेही दिन औषधि दिएर घर पुर्याएका थिए ।

कक्षा कोठामा हल्ला गरेको भन्दै शिक्षिकाले कुटपिट गरेकाे विद्यालयका प्रधानाध्यापक नेत्रमणि चालिसेले जानकारी दिनुभयो । हल्ला गदै गलत शब्द बोलेका कारण उक्त घटना भएको भन्दै विद्यालय प्रशासन र अभिभावक सँग बसेर छलफल भएको बताउनुभयो । बालकको औषधि उपचार गरिसकेकको छ । आरोपित शिक्षिकालाई घटनाका विषयमा स्पष्टिकरण समेत मागेको उहाँले बताउनुभयो ।

यस विषयमा प्रहरी कार्यालयमा कुनै उजुरी नआएको जिल्ला प्रहरी कार्यालयका डिएपी लक्ष्मणबहादुर शाहीले बताउनुभयो ।

Photo20240124Surkhet


जगतदल जनाला विक