समाचारहरू

व्यास नगरपालिका–१ गल्बुवेसीमा रहेको ज्ञानगंगा इङ्लिस बोर्डिङमा कक्षा ४ मा अध्ययनरत ९ वर्षीया छात्रालाई सोही विद्यालयकी शिक्षिका सोविता थापाले कुटपिट गरि घाइते भएको पीडित छात्राको अभिभावकले बताउनुभएको छ ।

पीडित छात्रालाई ०८० भदौ २५ गते साँझ ट्युसनको समयमा शिक्षिका थापाले कुटपिट गर्दा बालिकाको टाउकोमा चोट लागेको थियो । बालिकालाई तत्कालै दमौली अस्पतालमा ल्याएर उपचार गरिएको बालिकाका बुवाले बताउनु भयो ।

यसबारेमा विद्यालयका प्रधानाध्यापक ऋषि केसीले उक्त घटना विद्यालयको पढाई सकिएपछि ट्युसनको समयमा भएको हुँदा के भएको हो भन्ने बारेमा आफुले बुझ्न बाँकी रहेको बताउनु भयो । उहाँले घटनाको छानविन पश्चात दोषीलाई विद्यालयको तर्फबाट कारबाही गरिने बताउनु भयो ।

प्रकाशचन्द्र भट्टराई