समाचारहरू

सप्तरी जिल्ला, विष्णुपुर गाउँपालिका–५ स्थायी घर भई चिशंखुगढी गाउँपालिका–४ लेखर्कस्थित कालिका आधारभूत विद्यालयमा कार्यरत ३३ वर्षीय शिक्षक दीपककुमार ठाकुरको हत्या गरेको आरोपमा प्रहरीले सिद्धिचरण नगरपालिका–८ सल्लेरीकी २२ वर्षीया छलमाया धमलालाई असोज ८ गते गिरफ्तार गरेको छ ।

चिशंखुगढी नगरपालिका–४ स्थित कुमार राईको घरमा डेरा गरी बस्दै आउनु भएका शिक्षक ठाकुर असोज ७ गते सुतेकै अवस्थामा मृत फेला पर्नु भएको थियो ।

शिक्षक ठाकुर मृत फेला परेपछि घरबेटी कुमार राईले छलमायाविरूद्ध असोज ८ गते प्रहरीमा उजुरी दिएको जिल्ला प्रहरी कार्यालयका इन्स्पेक्टर केशव अधिकारीले बताउनु भयो ।

प्रारम्भिक अनुसन्धानका क्रममा प्रेम सम्बन्धमा आएको खटपटका कारण हत्या गरेको बयान आरोपितले  दिएको इन्स्पेक्टर अधिकारीले बताउनु भयो ।

शवको पोष्टमार्टम जिल्ला अस्पतालमा असोज ८ गते गरिएको छ ।

पोष्टमार्टमपछि सोही दिन पीडित पक्षलाई शव जिम्मा लगाएको प्रहरीले जनाएको छ ।

सरस्वती बानिया