समाचारहरू

छेडागाड नगरपालिकाका एक शिक्षकले विद्यार्थीलाई कुटेर घाइते बनाएका छन् । छेडागाड नगरपालिका–११ को बाल मावि झाप्राका शिक्षक पृथीबहादुर सिंहले रजिष्ट्रेशनको विषयलाई लिएर कक्षा ९ मा अध्ययनरत १५ वर्षीय शेरबहादुर बस्नेतलाई मङ्सिर ९ गते कुटपिट गरी रक्ताम्य बनाएका छन् ।

विद्यालयमा खुलेको रजिष्ट्रेशन फर्म भर्ने समयमा विद्यालयमा धेरै दिनसम्म अनुपस्थित रहेको विषयलाई लिएर विद्यालयका प्रधानध्यापक सिंहले कक्षा ९ का छात्र बस्नेतको नाकमा प्रहार गर्दा नाकबाट रगत बगेको थियो ।

पीडित बालकले छेडागाड नगरपालिका–५ बडाबनमा रहेको प्रहरी चौकीमा शिक्षक सिंहविरूद्घ उजुरी सोही दिन दिएका थिए ।

तर, शिक्षक सिंहले परिवारसँगको छलफल पछि मिलापत्र गरिएको छ । शिक्षक सिंहले भने विद्यालयमा खुलेको रजिष्ट्रेशनका लागी हाजिरीको रेकर्ड हेर्दा उपस्थित कम भएकाले फारम भर्न हुन्न भन्दा झर्केकाले एक झापड हानेको स्वीकारेका छन् ।

दिनेशकुमार श्रेष्ठ