समाचारहरू

पालुङटार नगरपालिका– १० स्थित मिरकोट माविमा कक्षा ९ मा अध्ययनरत एक बालिका शिक्षक रामहरी ढकालको कुटाइबाट घाइते हुनुभएको छ ।

विद्यालयका विज्ञान शिक्षक रामहरी ढकालले माघ २२ गते कक्षामा सोधेको कुरा नजान्दा कुटाइबाट बालिकाको हातमा चोट लागेको थियो । दिनभर ठिकै भएपनि बेलुकी दुखाइ बढेपछि उपचार गराउँदा हातमा  नसा च्यापिएको उपचारमा संलग्न डाक्टरले बताएको विद्यालयका प्रध्यानाध्यापक भुवन अधिकारीले बताउनुभयो ।

‘हात भाँचिएको होइन, सामान्य नसा च्यापिएको रहेछ,’ डाक्टरले प्लास्टर गरे चाँडो सञ्चो हुन्छ भनेपछि हातमा प्लास्टर भएको छ’ अधिकारीले बताउनुभयो ।

पीडित बालिकाको माघ २३ गते गोरखा अस्पतालमा उपचार भएको छ ।

हरिराम उप्रेती