समाचारहरू

साकेला गाउँपालिका–३ खिदिमाको वडाध्यक्ष पदमा हुने निर्वाचनका लागि चार उम्मेदवारले शान्तिपूर्ण ढङ्गबाट मनोनयनपत्र दर्ता गराएका छन् ।

आगामी मङ्सिर १४ गते हुने उपनिर्वाचनका लागि २७ गते नेकपाका तर्फबाट शिवकला राई, नेपाली कांग्रेसका तर्फबाट शुक्रबहादुर तामाङ, समाजवादी पार्टीका तर्फबाट रमेश राई र राप्रपाका तर्फबाट इन्द्रबहादुर खड्काले मनोनयनपत्र दर्ता गराएका छन् ।

तत्कालिन नेकपा एमालेबाट वडाध्यक्षमा निर्वाचित मणिकुमार राईको निमोनियका कारण गत वैशाख ९ गते मृत्यु भएपछि उपनिर्वाचनमार्फत अर्को वडाध्यक्ष चयन गर्न लागिएको जिल्ला न्यायाधीश एवम् मुख्य निर्वाचन अधिकृत मातृकाप्रसाद आचार्यले वताए ।

नेकपाले स्वयम स्वर्गीय मणीकुमारकी पत्नी शिवकलालाई उम्मेदवार बनाएको छ । खदिमाबाट नारा जुलुस लगाउँदै उनीहरूले साकेला गाउँपालिकाको केन्द्रमा रहेको मात्तिम मानेभञ्ज्याङमा स्थापना गरिएको मूख्य निर्वाचन अधिकृतको कार्यालय पुगेर मनोनयन दर्ता गराएका हुन् ।

रामधन राई