समाचारहरू

हरिनगर गाउँपालिका-३ गौतमपुरकी २१ वर्षीया रूवीकुमारी साहको शङ्कास्पद मृत्यु घटनामा पीडित पक्षले कात्तिक १४ गते प्रहरीमा उजुरी दिएको छ ।

पीडित पक्षले रूवीकुमारीको हत्या भएको आरोपमा हरिनगर गाउँपालिका-३ का २५ वर्षीय पति भीम साह र ३५ वर्षीया जेठानी समतोलिया साहविरूद्ध जिल्ला प्रहरी कार्यालयमा उजुरी दिएको हो ।

घरायसी विवादका क्रममा ०८१ कात्तिक ९ गते रूवीकुमारीले विष सेवन गरेको र विराटनगरस्थित गोल्डेन अस्पतालमा उपचारका क्रममा रूवीकुमारीको कात्तिक १४ गते मृत्यु भएपछि माइती पक्षले आत्महत्या नभइ हत्या भएको आरोपमा जिल्ला प्रहरी कार्यालयमा उजुरी दिएको हो

भोक्राहा नरसिंह गाउँपालिका-३ माइती भएकी रूवीले भीम साहसँग ०८० वैशाख १२ गते प्रेम विवाह गरेको र विवाह भएको केही समयपछि पति भीमको भाउजुसँगको अनैतिक सम्बन्धका बारेमा कुरा उठाउँदा विष सेवन गराइ हत्या गराएको मृततकी ४२ वर्षीया आमा ललितादेवी साहले बताउनु भयो ।

“छोरी रूवीसँग कात्तिक ९ गते फोनमा कुराकानी भएको र चार महिनाको गर्भवती भएको कुरा पति भीमलाई सुनाउँदा गर्भपतन गर्न दवाब दिएको कुरा” सुनाएको आमा ललितादेवी साहले बताउनु भयो । छोरीसँग कुरा भएकै दिन दिउँसो १२ बजे रूवीले विष सेवन गरी आत्महत्या गरेको प्रयास गरेको भनि ज्वाईँबाट फोन आएकाले छोरीले आत्महत्या नगरी हत्या गरिएको ललितादेवी साहले बताउनु भयो ।

घटनाका विषयमा पीडित पक्षले जिल्ला प्रहरी कार्यालयमा उजुरी दिएको र प्रहरीले अनुसन्धान थालेको जिल्ला प्रहरी कार्यालयका डिएसपी रामप्रसाद तिम्सिनाले बताउनु भयो ।

शवको पोष्टमार्टम जिल्ला अस्पतालमा कात्तिक १४ गते गरिएको छ । पीडित पक्षले सोही दिन शव बुझी कात्तिक १६ गते हरिनगर गाउँपालिका-३ मा सद्गत गरेको छ ।

जयकृष्ण यादव