वैवाहिक बलात्कारपछि हत्या प्रयास घटनाका आरोपितविरुद्ध उजुरी दर्ता

  ०७८ कात्तिक ३ गते

२५ वर्षीया पत्नीलाई बलात्कारपछि हत्या प्रयास गरेको भन्दै २७ वर्षीय पति सहित परिवारका अन्य सदस्यविरुद्ध पीडितले जिल्ला प्रहरी कार्यालय नवलपरासी (बर्दघाट सुस्ता पूर्व)मा उजुरी दर्ता गराएकी छिन् ।

०७८ असार २७ गते विवाह गरेकी पत्नीलाई असार २८ गते बलात्कार र असार २९ गते घरको छतबाट धकेलेर हत्याको प्रयास गरेको भन्दै पीडित पक्षले आरोपितहरूविरुद्ध कात्तिक २ गते जिल्ला प्रहरी कार्यालय नवलपरासी (बर्दघाट सुस्ता पूर्व)मा छुट्टाछुट्टै उजुरी दर्ता गराएको जिल्ला प्रहरी कार्यालय नवलपरासी (बर्दघाट सुस्ता पूर्व)का डिएसपी दिलिप गिरीले जानकारी दिनुभयो ।

घटनापछि घाइते भएकी पीडित उपचारबाट फर्किएपछि वैवाहिक बलात्कार घटनामा पति र ज्यानमार्ने उद्योगमा पति, ५५ वर्षीय ससुरा, ५० वर्षीय सासू र २५ वर्षीय देवरविरुद्ध उजुरी दर्ता गराएको पीडितले इन्सेक जिल्ला प्रतिनिधिलाई जानकारी दिनुभयो ।

पीडित पक्षको उजुरीपछि घटनाको अनुसन्धान भइरहको डिएसपी गिरीले बताउनुभयो ।

पीडितको स्वास्थ्य परीक्षण असोज २९ गते जिल्ला अस्पताल चितवनमा गरिएको छ ।


तिर्थराज डुम्रे