समाचारहरू

१४ वर्षीयम एक बालिकालाई विवाह मण्डपबाट उद्धार गरिएको छ । खाँदबारी-३ का ३२ वर्षीय रमेश गुरुङसँग विवाह गर्दै गरेको अवस्थामा विवाह मण्डपबाटै जिल्ला बालक्लब सञ्जालका पदाधिकारीले ती बालिकाको उद्धार गरी प्रहरीलाई जिम्मा लगाइएको छ ।

पीडित बालिकाका बावु दोस्रो विवाह गरी सर्म्पर्क विहीन रहेको र आमा वैदेशिक रोजगारका लागि मलेशियामा रहेको अवस्थामा हजुरआमालाई बाध्य बनाएर बालिकाको विवाह गराउन लागेको उद्धारमा खटिएका बालबालिकाले बताएका छन् ।

विवाह हुन लागेको थाहा पाएपछि जिल्ला बालक्लव सञ्जालका अध्यक्ष मेवाहाङ र्राई र सदस्य सैलु चौहानले प्रहरीमा उजुरी दिइ पीडित बालिकाको उद्धार गरिएको बताए ।

बाल अधिकारसम्बन्धी महासन्धि-१९८९, नेपालको संविधान, बालबालिकासम्बन्धी ऐन-२०४८, बालबालिकासम्बन्धी नियमावली-२०५१ विपरित बाल विवाह गर्न लागेकाले आफूहरू पीडित बालिकाको उद्धारमा जुट्नु परेको जिल्ला बालक्लब सञ्जालका अध्यक्ष खेवाहाङ र्राईले बताए ।

प्रहरीले आरोपितलाई अनमेल विवाह र बालविवाह महलमा मुद्धा दर्ता गर्ने तयारी गरेको जनाएको छ ।  बाल संरक्षणका लागि गर्नु पर्ने मुख्य पहल नै बल विवाहको न्यूनीकरणका काम गर्नुपर्ने भएकाले प्रहरीमा उजुरी गरेको सञ्जालकी सदस्य शैलु चौहानले बताइन् ।

छेटु शेर्पा