समाचारहरू

सतलिङ्गेश्वर मावि गुन्सीको कक्षा १० मा अध्ययनरत १८ वर्षीया छात्रा, कक्षा ९ मा अध्ययनरत १८ वर्षीय छात्रले कात्तिक १० गते विद्यालय पढ्दा पढ्दै विवाह गरेको भनी विद्यालय प्रशासनले विद्यालय प्रवेशमा रोक लगाएको छ ।

विद्यालयले उनीहरूलाई विद्यालय प्रवेशमा रोक लगाएपछि विद्यार्थीहरूको १५ दिनदेखि पढाइ छुटेको छ । विद्यार्थीको आचरण विपरित विद्यालय उमेरमा नै एउटै विद्यालयका छात्रछात्राले विवाह गरेको भनी सो विद्यालयले उनीहरूलाई विद्यालय प्रवेशका रोक लगाएको विद्यालयका प्रधानाध्यापक एकनाथ चौलागाईँले बताए ।

विद्यालयले विद्यालय प्रवेशमा रोक लगाउँदा आफूहरूको पढ्न पाउने अधिकार खोसिएको पीडित विद्यार्थीहरुको भनाइ रहेको छ । यस विषयमा जिल्ला शिक्षा कार्यालयमा भने कुनै औपचारिक जानकारी नआएको जिल्ला शिक्षा अधिकारी दिनानाथ गौतमले बताए ।

 

नवराज पथिक