समाचारहरू

झगडा मिलाउन आएका प्रहरीले गोरखा नगरपालिका-११ स्थित अवुँवामा ७१ वर्षीय थमनसिंह बस्नेत र सनकरिया-६, पर्साका ४५ वर्षीय प्रकाश चौधरीलाई निर्घात कुटपिट गरी घाइते बनाएका छन् ।

गम्भिर घाइते वस्नेतलाई गोरखा अस्पतालमा सामान्य उपचार पश्चात थप उपचारका लागि काठमाडौँको टिचिङ अस्प्ताल रिफर गरिएको अस्पतालले जनाएको छ । उनको अनुहारमा चोट लागेको छ । चौधरीलाई प्रहरीले गरेको कुटपिटका कारण कान नसुन्ने भएको स्थानीय गर्तौला वस्नेतले बताएका छन् ।

राति टेलिफोन गर्न घर बाहिर निस्किएर कुरा गरिरहेका थमनसिंह बस्नेतलाई गस्तीमा आएको इन्स्पेक्टर गौतम बोहोरा नेतृत्वको टोलीले कुटपिट गरेपछि विवाद भएको थियो ।

त्यसपछि विवाद मिलाउन आफू घटनास्थल पुगेको भएपनि ब्लग उद्योगमा आफ्नो टोली छिरेर मजदुरलाई कुटपिट गरेको बारे अनभिज्ञ रहेको डिएसपी वीरेन्द्र थापाले बताए ।

घटनामा प्रहरीको तर्फबाट गल्ति भएको एसपी जनकराज पाण्डेयले स्वीकार गरेका छन् । घटनाको विषयमा छानबिन गरी गल्ति गर्ने प्रहरीलाई विभागिय कारबाही गर्ने एसपी पाण्डेयले बताए ।

हरिराम उप्रेती