विवरण फरक परेपछि भूकम्प पीडितको अनुदान निकासा रोकियो
ओखलढुङ्गाका ६ सय ८५ घरधुरी भूकम्प पीडितका नाममा अनुदान सम्झौता भए पनि पीडितहरूको विवरण फरक परेपछि अझै रकम निकासा हुन सकेको छैन । सम्झौता गर्दा नाम, निस्सा नम्बर र नागरिकता नम्बर नमिलेपछि अनुदान निकासा नभएको बताइएको छ । विवरण फरक परेपछि भूकम्प पीडितहरू अुनदानको रकम पाउने कि नपाउने भन्ने अन्यौलमा परेका छन् ।
गाविसमा खटिएका कर्मचारीहरूले अनुदान सम्झौता गराउँदा लेखेको विवरण र पुनः निर्माण प्राधिकरणका इञ्जिनियरहरूले लिएको विवरणमा मेल नखाएका ६ सय ८५ घरधुरी भूकम्प पीडितको अनुदान निकासा नभएको जिविसका कम्युटर अपरेटर पदरम परियारले बताए । विवरण सच्याउनसमेत समस्या भएपछि अनुदान निकासा पठाउन नसकिएको परियारको भनाइ छ ।
अनुदान सम्झौतामा भएको विवरण सच्याएर ४ सय ५५ घरधुरीको विवरण कोष तथा लेखा नियन्त्रण कार्यालयमा पठाए पनि १ सय ६८ जनाको मात्र विवरण मेल खाएकाले अझै ४ सय १५ घरधुरी भन्दा बढी भूकम्प पीडितहरूको अनुदान निकासा हुन सकेको छैन ।
अनुदान निकासा गराए पनि वितरणमा भएको ढिलाइले अहिलेसम्म १७ हजार ३ घरधुरी भूकम्प पीडितमध्ये आधा पीडितहरूलाई मात्र अनुदान वितरण भएको जनाइएको छ ।
शिवप्रसाद ढुङ्गाना
सम्बन्धित समाचारहरू
यौन दुर्व्यवहार घटनाका आरोपित गिरफ्तार
६ वर्षीया बालिकालाई यौन दुर्व्यवहार गरेको आरोपमा यशोधरा गाउँपालिका–७, मर्यादपुरका ४९ वर्षीय सञ्जु पासीलाई प्रहरीले ०८१ माघ २१ गते गिरफ्तार गरेको छ । पीडितलाई बालिकालाई आरोपितले माघ १७ गते यौन…
बलात्कार घटनाका आरोपित विरुद्ध उजुरी दर्ता
१८ वर्षीया युवतीलाई बलात्कार गरेको आरोपमा दैलेख ढुङ्गेश्वर गााउँपालिका–६, सानो ओइरी घरभइ हाल बाँके जिल्लाको बैजनाथ गाउँपालिका–३, बैरहवाका २२ वर्षीय विमल हिरोजग विरुद्ध जिल्ला प्रहरी कार्यालयमा ०८१ माघ २३ गते…
विद्यार्थी कुटपिट गर्नेमाथि कारबाहीको माग
लुम्बिनी प्रदेशसभा सदस्य सिके गुप्ताले नवलपरासी प्रतापपुर गाउँपालिका–१ का ६ वर्षीय बालकलाई कुटपिट गर्ने शिक्षकमाथि कारबाही गर्न लुम्बिनी प्रदेश सरकारसँग माग गर्नुभएको छ । लुम्बिनी प्रदेशसभाको माघ २२ गते पाँचौँ…
थाइरोड जाँच गर्ने उपकरण बिग्रदा सेवाग्राहीहरू मर्कामा
सिरहा जिल्लाको एक मात्र सरकारी अस्पताल लहानमा अवस्थित रामकुमार सारदा उमा प्रसाद मुरारका अस्पतालमा एक हफ्ता देखि थाइरोड जाँच गर्ने उपकरण बिग्रिएको हुँदा सेवाग्राहीहरू मर्कामा परेका छन् । अस्पतालमा दैनिक…
अपरिचित व्यक्तिहरूको समूहबाट पत्रकारमाथि कुटपिट
पत्रकार कमलबहादुर बोहरामाथि चार-पाँच जना अपरिचित व्यक्तिहरूको समूहले कुटपिट गरेको पीडित पत्रकारले आरोप लगाउनु भएको छ । बोहरा पालिका समय डटकमको अध्यक्ष तथा कार्यकारी सम्पादकसमेत हुनुहुन्छ । माघ २१ गते…