समाचारहरू

निजी विद्यालयहरूले नियम विपरीत शुल्क बढाएको विरोधमा ०७४ वैशाख १३ गतेदेखि आन्दोलनरत सयुंक्त विद्यार्थी सङ्गठनले वैशाख १७ गतेदेखि अनिश्चितकालीन शैक्षिक आमहड्तालको घोषणा गरेपछि नागरिक समाज कैलालीले विद्यालय शान्ति क्षेत्रको आवधारणालाई कार्यान्वयन गर्न आग्रह गर्दै वैशाख १८ गते एक विज्ञप्ति जारी गरेको छ ।

विज्ञप्तिमा विद्यालय बन्द गर्ने, चर्को शुल्क लिने, पाठ्यपुस्तक हरेक वर्षबदलिँदै जाने, जस्ता गतिविधिले बालबालिकाको शिक्षाको अधिकार हनन् भइरहेकाले यस अवस्थालाई मध्यनजर गर्दै उक्त कार्यहरू बन्द गर्न तथा विद्यालय शान्ति क्षेत्रको अवधारणा कार्यान्वयन सम्बन्धमा सबै पक्षको ध्यानाकर्षण गराउनको लागि प्रेस विज्ञप्ति जारी गरेको विज्ञप्तिमा उल्लेख छ ।

विद्यालय बन्द गर्ने कार्य गम्भीर समस्या रहेकोले यसको समाधानका लागि सरकारी निकाय, राजनीतिक दल, अभिभावक सङ्घ सबै पक्षसँग छलफल गर्न जरूरी रहेकोले यसको बारेमा प्रमुख जिल्ला अधिकारीसँग बसेर छलफल गर्ने निर्णय गरेको नागरिक समाज कैलालीका अध्यक्ष एवम् इन्सेक क्षेत्रीय कार्यालय धनगढीका संयोजक खडकराज जोशीले बताए ।

रविना चौधरी