समाचारहरू

विदुर नगरपालिका-२ बट्टारस्थित भीमसेन माध्यामिक विद्यालयका विद्यार्थीहरूले विद्यालयमा शिक्षकको माग गर्दै ०७९ फागुन ३ गते बट्टारमा पासाङल्हामु सडक अवरुद्ध गरेका छन् ।

विद्यार्थीहरूले दुई घण्टा सडक अवरोध गरेपछि विदुर नगरपालिकाको मेयर राजन श्रेष्ठले एक साताभित्र शिक्षक व्यवस्थापन गर्ने प्रतिवद्धता जनाउनु भएको छ ।

मेयर श्रेष्ठले शिक्षक व्यवस्थापन गर्ने बताएपछि विद्यार्थीहरू सडकबाट विद्यालयमा फर्किएको विद्यालयको प्रधानाध्यापक नारायणप्रसाद अधिकारीले जानकारी दिनुभयो ।

विद्यालयका माविमा एक विज्ञान शिक्षक र प्राविमा तीन गरी चार जना शिक्षकको दरबन्दी दुई महिनादेखि खाली हुँदा पठनपाठन हुन सकेको छैन ।

वार्षिक परीक्षा सुरु हुने समयसम्म पनि विद्यालय प्रशासनले आफ्ना माग नसुनेपछि सडकमा जानु परेको कक्षा आठमा अघ्ययनरत छात्रा सरिता तामाङले बताउनु भयो ।

नवदीप श्रेष्ठ