समाचारहरू

घोडाघोेडी नगरपालिका—४ रामपुरस्थित राष्ट्रिय माध्यमिक विद्यालयमा खानेपानकिो अभाव भएपछि विद्यार्थीहरु समस्यामा परेका छन् । कैलाली जिल्लामा गर्मी बढेपछि विद्यालयमा भएको खानेपानीको धारा सुकेर विद्यालयमा खानेपानीको अभाव हुँदा विद्यार्थीहरुको पठनपाठन समेत प्रभावित भएको छ ।

बाल विकासदेखि कक्षा १० सम्म पढाई हुने उक्त विद्यालयमा खानेपानीको धारा र नल्कामा समेत पानी सुकेर खानेपानीको अभाव भएको विद्यालय व्यवस्थापन समितिका अध्यक्ष बमबहादुर सिंहले बताउनु भयो ।

उहाँले भन्नु भयो— ‘केही दिनयता गर्मी बढेपछि धारा र नल्कामा पानी आउन छोडेको छ।  शिक्षकशिक्षिका शिक्षक र विद्यार्थीहरुलाई खानेपानीको समस्या भएकाले छ ।  केही विद्यार्थीहरु घरबाटै पानीको बोतल बोकेर आउने गरेका छन् ।  तर, केही विद्यार्थीहरु २ सय मिटर टाँढा गाउँमा पानी लिन जाँदा पठनपाठन समेत प्रभावित हुने गरेको छ ।’

विद्यालयमा पानीको धारा सुकेपछि खानेपानी र शौचालय जान समेत समस्या हुुने गरेको विद्यार्थी कल्पनाा बुढाले गुनोसो गर्नु भयो । महिनावारी भएको बेलामा छात्राहरुलाई झन् समस्या हुने गरेको उहाँले बताउनु भयो ।

राष्ट्रिय माध्यामिक विद्यालयका प्रधानाध्यापक नवलबहादुर रावतले विद्यालय परिसरमा गाडिएका नल्कामा केही दिनयता गर्मी बढेपछि नल्का सुकेर पानी आउन छोडेकाले शिक्षक र विद्यार्थीले खानेपानीको समस्या भोग्नुपरेको बताउनु भयो ।

उहाँले भन्नु भयो—‘विद्यालयमा खानेपानीको अभाव भएपछि विद्याथीहरु विद्यालय आउन छोडेका छन् । विद्यालयमा पानीको समस्या छ भनेर सम्बन्धीत निकायमा जानकारी गरेको भए पनि अझैसम्म केही पहल हुन सकेको छैन । ४५ डिग्री गर्मीमा पानीको अभाव भएपछि विद्यालय बन्द गर्नु पर्ने अवस्था छ ।’

५ सय २० जना विद्यार्थी अध्ययनरत यस विद्यालयको खानेपानी समस्या समाधानका लागि सम्बन्धीत पक्षले कुनै चासो नदिएको समेत प्रधानध्यापक रावतको भनाइ छ ।

मैनामोती चौधरी