विद्यालयको भवन भत्किदा स्थानीयको घर पुरियो, अन्य घरहरु पनि पहिरोको जोखिममा

  ०८१ असार २७ गते

रघुगंगा गाउँपालिका–४ दग्नाममा जनता माध्यमिक विद्यालयको भवन पर्खाल सहित भत्किदा विद्यालय संगै रहेको इन्द्रमान थजालीको घर पूर्ण रुपमा क्षती भएको छ ।

जनता माध्यमिक विद्यालय दग्नामका शिक्षक गुन पुनका अनुसार विद्यालयको भवन भत्किदा छिमेकी थजालीको घर पूर्ण रुपले क्षती भएको हो । बिहान उज्यालो भै सके पछि विद्यालयको पर्खाल भत्किएको हुनाले अन्य कुनै हताहती नभएको भए पनि घर पूर्ण रुपमा क्षती भएको छ ।

रघुगंगा गाउँपालिका– २ का झलक शर्माका अनुसार इन्द्रमानकी बुहारी अशु थजाली र नाती गेनीस थजाली सामान्य घाइते हुनुभएको छ ।

जिल्ला प्रहरी कार्यालय म्याग्दीका सूचना अधिकारी प्रहरी निरीक्षक राजन रायमाझीका अनुसार विद्यालयको तीन कोठे कच्ची भवन भत्किदा इन्द्रमानको एक तले घर पूर्ण रुपमा क्षती भएको हो ।

त्यस्तै रघुगंगा गाउँपालिका– ७ चिमखोलामा ५५ वर्षीय डिलबहादुर तिलिजाको दुई तले घर पहिरोको उच्च जोखिममा रहेकोले उहाँको पाँच जनाको परिवारलाई छिमेकीको घरमा राखिएको छ । ५६ वर्षीय लालबहादुर पाइजा, ५४ वर्षीय दिलबहादुर पुनको घर पनि उच्च जोखिममा रहेकोले पाँच पाँच जनाको परिवारलाई छिमेकीको घरमा आश्रयको व्यवस्था मिलाइएको प्रहरीले जनाएको छ ।

५५ वर्षीय नरबहादुर गर्बुजाको १२ ओटा बाख्रा सहितको गोठ पहिरोले बगाएको इन्सपेक्टर रायमाझीले बताउनुभयो । त्यस्तै ६९ वर्षीय डेकबहादुर कराई पुनको पाँच ओटा माहुरीको घार सहित गोठ बगाएको छ । त्यस्तै ढिकी संग्राहलय रहेको दुई तले पक्की सामुदायीक भवन पहिरोले बगागएर पूर्ण क्षती भएको प्रहरीले जनाएको छ ।

photo081327myagdi


अमृतप्रसाद पौडेल