विद्यार्थी कुटपिट घटनाका आरोपित प्रधानाध्यापक गिरफ्तार

  ०७५ असोज  ११ गते

बुलिङ्गटार गाँउपालिका–६ अत्रौलीको शिव माध्यामिक विद्यालयको कक्षा १० मा अध्यायनरत १७ वर्षीय विद्यर्थी खुमन सार्कीलाई कुटपिट गरेको प्रहरीले आरोपमा सोही विद्यालयका प्रधानाध्यापक ओमकुमार श्रेष्ठलाई असोज ११ गते गिरफ्तार गरेको छ ।

प्रार्थनाको समयमा विद्यालय ढिलो आएको भन्दै प्रधानाध्यापक श्रेष्ठले असोज २ गते कुटपिट गरेको आरोपमा इन्सेकको सहयोगमा खुमनका बावु वीरबहादु्र सार्कीले असोज ५ गते जिल्ला प्रहरी कार्यालय नवलपरासी (बर्दघाट सुस्ता पूर्व), मानव अधिकार आयोग गण्डकी प्रदेश कार्यालयमा उजुरी गरेका थिए ।

उजुरी पछि फरार रहेका प्रधानाध्यापक श्रेष्ठ असोज ११ गते प्रहरीको सम्पर्क आएपछि गिरफ्तार गरिएको डिएसपी लिलाराज लामिछानेले बताए ।

प्रधानाध्यापक श्रेष्ठको कुटपिट गर्दा खुमन सार्कीको देब्रे कानबाट रगत बगेको थियो । कुटपिटबाट घाइते भएका सार्कीको उपचार भरतपुर, चितवनमा गरिएको थियो ।


तिर्थराज डुम्रे