समाचारहरू

नेविसङ्घ र अनेरास्ववियुका विद्यार्थीबिच फागुन २१ गते भएको झडपमा नेविसङ्घका कार्यकर्ता भीमदत्त नपा-४ भगतपुरका २४ वर्षीय सुदिप उप्रेती घाइते भएको पीडित पक्षको आरोप छ ।

स्ववियु निर्वाचनको विषयलाई लिएर विवाद भएपछि फागुन २१ गते भीमदत्त नपा-४ मा दुवै समूहका विद्यार्थीको जम्काभेट हुँदा भएको झडपमा अनेरास्वियुका विद्यार्थीहरूले खुकुरी प्रहार गरी उप्रेतीलाई घाइते बनाएको पीडित पक्षको आरोप छ । पीडित उप्रेतीको उपचार महाकाली अञ्चल अस्पतालमा  भइरहेको छ ।

नेविसङ्घ र तरुणदलले घटनाका आरोपितलाई कारबाहीको माग गर्दे फागुन २२ गते दिउँसो दुई बजे सम्म कञ्चनपुर बन्द गराएका थिए ।

अनेरास्वियुका विद्यार्थीहरूले आक्रमण नगरेको र व्यक्तिगत झगडा भएको अनेरास्वियुका जिल्ला सहसचिव नरेन्द्रसिंह कार्कीले बताए ।

उक्त घटनाको अनुसन्धान भइरहेको जिल्ला प्रहरी कार्यालय, कञ्चनपुरका डिएसपी नैनसिंह कार्कीले बताए ।

कोमलनिरन्जन भाट