समाचारहरू

सरकारले दिदै आएको सामाजिक सुरक्षा भत्ता नपाएको स्थानीयहरूले  गुनासो गरेका छन् ।

लक्षित वर्ग ज्येष्ठ नागरिक र एकल महिलाको सामाजिक सुरक्षा भत्ता १ सय ५० जनाले ६ महिना देखि पाएका छैनन् ।

०७६ देखि बुझदै आएको सामजिक सुरक्षा भत्ता २०७९साउनदेखि नपाएको प्यूठान नगरपालिका– ३ की ७४ वर्षीया सरस्वती सापकोटाले बताउनु भयो । आफूले ०७९ साउन महिनामा वडा कार्यालयमा पुगेर  नविकरण गरेको र आफूसँगै नविकरण गरेकाहरूले कात्तिक महिनामा भत्ता बुझि सकेको र आफुले अहिले सम्म नपाएको बताउनु भयो ।

वडा कार्यालय पुगेर  सोधपुछ गर्दा तपाईको नविकरण नभएकोले नआएको पछि आउछ भन्ने आश्वासन पाएको बताउनु  सरस्वतीले  बताउनु भयो ।

६ महिना देखि सामाजिक भत्ता नपाए पछि दैनिक गुजारा चलाउन समस्या परेको प्यूठान नपा– ३ का ६५ वर्षीय मोहन गन्र्धभले  बताउनु भयो ।

आफूले पाउदै आएको भत्ता लामो समयसम्म आफूले नपाएको र वडा कार्यालयमा सवै कागाजात बुझाए पनि नगरपालिकाले विभेद गरेको तथा आप्mना राजनीतिक सर्मथकलाई मात्र प्रथामिता दिएको प्यूठान नपा — ३ की ५९ वर्षीया एकल महिला सुशिला खडकाले आरोप लगाउनु भयो ।

एक दुई जनाले मात्र नभएर प्यूठान नगरपालिकाका १ सय ५० जनाले विगत ६ महिना देखि सामाजिक सुरक्षा भत्ता पाउन सकेका छैनन् ।

सामाजिक सुरक्षा भत्ता बितरण गर्ने बैक फरक भएकोले कोडमा समस्या भएको, कतिपयको नविकरण छुट भएको र केहीको कार्यालयको गल्तीका कारण नविकरण नभएकोले समस्या भएको प्यूठान नगरपालिका–३ का वडाध्यक्ष सुमन श्रेष्ठले बताउनु भयो ।

श्रेष्ठले सबै गल्ती कमजोरीलाई सुधार गरेर पाउदै आएको सामाजिक सुरक्षा भत्ता सबैलाई उपलव्ध गराउने बताउनु भयो ।

रविन्द्र पाण्डे