समाचारहरू

रुण्टीगढी गाउँपालिकामा रहेको प्राथमिक स्वाथ्य केन्द्र होलेरीमा थ्रिफेस लाइन जडान नहुँदा विगत एक वर्षदेखि एक्सरे सेवा बन्द भएको छ ।

एक्सरे सेवा बन्द हुँदा सामान्य चेकजाचको लागि समेत बिरामीहरुलाई दाङ जानुपर्ने बाध्यता रहेको छ । एक्सरे सेवाका सञ्चालनकालागि  सिङ्गल फेजले भोल्टेज पुग्दैन, अस्पतालमा थी्रफेस जडान नहुँदा एक्सरे सेवा दिन सञ्चालन गर्न नसकिएको प्राथमिक स्थास्थ्य केन्द्रले जनाएको छ ।

जसका कारण बिरामीहरुले एक्सरे सेवा लिन महङ्गो भाडा तिरेर दाङको तुलसीपुर जानुपर्ने बाध्यता रहेको स्थानीय पार्वती पुनले बताउनु भयो । सादा डिजिटल एक्सरे सेवाकालागी प्रइभेट क्लीनिक समेत नहुँदा दाङ जानुपर्दा महङ्गो भाडा र समय खेर जाने उहाँको भनाई छ  ।

हाल प्राथमिक स्वास्थ्य केन्द्र नयाँ भवनमा सरेको छ । नयाँ भवनामा थ्रीफेज लाइन जोडिएको छैन् ।  स्थानीय र प्रदेश सरकारलाई थ्रीफेज जोडन पटक पटक आग्रह गर्दासमेत समस्याको समाधान नहुँदा सादा एक्सरे सेवा समेत दिन नसकिएको प्राथमिक स्वास्थ्य केन्द्र होलेरीका स्वास्थ्य शाखा प्रमुख गणेश बुढाले बताउनु भयो ।

अन्य सेवाहरु नियमितरुपमा प्रवाह भइरहे पनि एक्सरे गर्नु पर्ने बिरामीलाई दाङ पठाउने गरेको प्रथामिक स्वास्थ्य केन्द्रका ल्याब असिस्टेन्ट कमल रेग्मीले बताउनु भयो ।