समाचारहरू

सङ्खुवासभाको चैनपुरमा वाम गठबन्धनले चुनावी प्रचारमा प्रयोग गरेको जिपमा अज्ञात समूहले मङ्सिर ४ गते बिहान २ बजे आगजनी गरेको छ ।

सो समूहले को १ ज २१२३ नम्बरको ल्याण्डरोबर गाडीमा आगजनी गरिएको जिल्ला प्रहरी कार्यालयका डिएसपी सन्तोष खड्काले बताए । बसपार्क नजिकै पार्किङमा राखिएको चैनपुरका आशिष शाक्यको गाडी जलाइएको हो । गाडी कसले र किन जलाएको भन्ने पत्ता लागेको छैन ।

उक्त गाडी वाम गठबन्धनका उम्मेदवारहरूले चुनावी प्रचारप्रसारमा प्रयोग गर्दै आएको बताइएको छ । प्रहरीले आगो लगाउने समूहको खोजी तीव्र पारेको जनाएको छ । गाडी पूर्णरूपमा जलेपनि मानवीय क्षति भने भएको छैन । अहिलेसम्म घटनाको जिम्मेवारी कसैले लिएका छैनन् ।

बाबुराम बास्तोला