समाचारहरू

मदन पुरस्कार पुस्तकालय तथा मदन पुरस्कार गुठीका अध्यक्ष वरिष्ठ साहित्यकार एवम् पत्रकार कमलमणि दीक्षितको पुस १४ गते बिहान निधन भएको छ । उनको निधनले नेपाली भाषा र साहित्यको क्षेत्रमा अपुरणीय क्षति पुगेको भन्दै इन्सेक, जवाफदेहिता निगरानी समितिलगायतका सङ्घसंस्थाले दुःख व्यक्त गरेका छन् ।

इन्सेकका अध्यक्ष सुबोधराज प्याकुरेलद्वारा पुस १४ गते जारी शोक वक्तव्यमा-'नेपाली भाषा र साहित्यमा दीक्षितले गर्नुभएको योगदानका कारण स्व. दीक्षित चिरकालसम्म नेपालीको मनमस्तिष्कमा रहनु हुनेछ ।' भनिएको छ ।

जवाफदेहिता निगरानी समितिका संयोजक चरण प्रसाईंले दिक्षितको निधनबाट भाषा, साहित्य र संस्कृतिको क्षेत्रमा क्षति पुगेको उल्लेख गरेका छन् ।

६ दर्जनभन्दा बढी पुस्तकको लेखन तथा सम्पादन गरिसकेको स्व. दीक्षितका दुई हजारभन्दा बढी फुट्कर कृति प्रकाशित भएका छन् । दीक्षितका दुई छोरा र एक छोरी छन् । (फोटो: हिमाल खबर डट कम)

अनलाइन डेस्क