वडा सदस्यको मृत्युपछि निर्वाचनको नयाँ मिति तय

 

काभ्रेपलाञ्चोकको धुलिखेल नगरपालिका वडा नं १२ को निर्वाचन आगामी जेठ ३ गतेका लागि तोकिएको राससले जनाएको छ ।

वैशाख २८ गते धुलिखेल नगरपालिका- १२ का वडा सदस्यका उम्मेदवार ५५ वर्षीय सुकलाल तामाङको मृत्यु भएपछि निर्वाचन आयोगको निर्देशानुसार सो मिति तोकिएको काभ्रेपलाञ्चोकका प्रमुख जिल्ला अधिकारी शिवप्रसाद शिंखडाले जानकारी दिए ।

सो वडाको निर्वाचन सम्पन्न भएपछि मात्रै धुलिखेल नगरपालिकाको मतगणना हुने उनले जानकारी दिए । काभ्रेपलाञ्चोकका जिल्ला निर्वाचन अधिकारी मधुकरप्रसाद पोखरेलले सो वडामा सदस्य पदका लागि मात्रै वैशाख २९ गते मनोनयन निश्चत भएको जानकारी दिए । सो वडामा तीन मतदान केन्द्र छन् ।


अनलाइन डेस्क