समाचारहरू

हलेसी तुवाचुङ नगरपालिका–३ च्यास्मीटारको वडा कार्यालय चैत २१ गते तोडफोड भएको छ ।

तोडफोड घटनामा संलग्न भएको आरोपमा प्रहरीले सोही ठाउँका २७ वर्षीय भूपेन्द्र राई, २२ वर्षीय निशान राई, २१ वर्षीय देवराज राई र २२ वर्षीय विशााल राईलाई चैत २२ गते गिरफ्तार गरेको छ ।

चैत २१ गते राति वडा कार्यालय तोडफोड भएको सूचना हलेसी तुवाचुङ नगरपालिका–३ का वडाध्यक्ष भोलाराज राईले दिएपछि आरोपितलाई चैत २२ गते अनुसन्धानका लागि घरबाटै गिरफ्तार गरेको जिल्ला प्रहरी कार्यालयका इन्स्पेक्टर सागर शाहले इन्सेक प्रतिनिधिसँगको फोन सम्पर्कमा बताउनु भयो ।

तोडफोडबाट ५० हजार रुपियाँ बराबरको क्षति भएको वडाध्यक्ष राईको भनाइ छ ।

तोडफोडबाट कार्यालयका कुर्सी, आयुर्वेदिक औषधि राख्ने ‍र्‍याकमा क्षति पुगेको वडाध्यक्ष राईले बताउनु भयो ।

स्थानीय तहको निर्वाचन नजिकिदै गर्दा स्थानीय तहका कार्यालयमा तोडफोड भएको हुन सक्ने जिल्ला प्रहरी कार्यालयका डिएसपी उमेश लम्सालले बताउनु भएको छ ।

तारानाथ फुयल